Aizawl; Covid-19 thawh hnihna vanga total lockdown July 18-a puan a nih hnu hapta thum chhung khaikhinin hapta 3-naah positivity rate chu 9.26%-ah a tlahniam.

Positivity rate hi hapta 1-naah 8.84% niin hapta 2-naah 11.06% a chhoa leh a, hapta 3-naah 9.26%-ah tlahniamin a tlakhniamna hi point 1.8 a ni, hapta 3 khaikhawmin positivity rate chu 9.78% a ni bawk. Hapta 3-naah hian discharge rate pawh 80.99%-ah a chho a, hemi hma kar hian 50.45% a ni pha tawk a ni. 

Hapta 3 khaikhawmna:     
ZALEN-in data a neih atanga a lan danin Covid-19 kai 16,377 (9.78%) an awm a, 16,276 (99.38%) chu tualchhung inkaidarh niin ram pawn atanga rawn pulut 101 (0.61%) chauh a ni thung a. Hri kaina hriat loh 7,327 (45.01%) niin ni tin sample test report leh mass test report belhkhawm chu 167,292 a ni bawk a ni. Mass test atang hian sample 57,535 lak khawm niin 2,003 in hripui an kai a ni. 

He news report-ah hian ni tin report leh mass test report belhkhawm an ni.