ZALEN September 27, 2026: Aizawl Traffic Police-te leh Aizawl Traffic-a Mizoram Police Constable practical training nei mekte chuan Thawhtanni atang khan hmalakin ngawrh lehzualin kawngsira traffic ti-jam-a truck lian dah leh bungrua load thinte check runpui an kalpui a, lirthei eng emaw zat an man tawh.

Ngaizel, Bawngkawn Sairang road, Zemabawk road leh hmun dangah te an duty thin a ni.

Hei bakah hian Aizawl khawpui veng hrang hranga chhun lama vantlang kawngpui, mahni ta ang mai hmangte (night parking-in a huam loh) leh mahni dawr kawt lo hauh ringawtte pawh dap chhuah zel an ni a, lirthei man pawh an awm nual bawk.

Vantlang kawngpui hi mi zawng zawng ta a ni a, mi malin ama ta angin a hauh thiang lo tih an sawi.

Aizawl Traffic Police-te chuan mi mal ta anga vantlang kawng hmang lo tur leh ta neih loh turin an inhriattir a, a tul angin dan angin hmalak zel an tum tih an sawi bawk.