Aizawl October 7, 2022 : Ministry of Tribal Affairs, Government of India chuan Mizoram ta tur Post Matric Scholarship for Schedule Tribe Cheng Nuai 2590.31485 release na order 4.10.2022-a a tihchhuah chu vawiin khan a rawn thleng, tuna sholarship sum rawn thleng hi 2021-22 3rd Installment leh 2022-23 Ist installment te an ni. 

Dr.R.Lalthangliana, Higher & Technical Education Ministerchuan tun hnai khan New Delhi-a Mizoram ta tur Post Matric Scholarship for Schedule Tribe tang mek pechhuak tura a zuk nawr chu 4.10.2022 khan release turin The Pay & Accounts Officer, Minitry of Tribal Affairs chu S.F.Bachagundi, Joint Director, Ministry of Tribal Affairs, Government of India, New Delhi chuan a hriatir a, vawiin hian release order chu a rawn thleng a ni.

He tribal scholarship Mizoram tana central-in a pek chhuah hi nikum 2021-2022 atan third instalment Rs.794.84030 lakhs leh kumin kum kal lai 2022-2023 atan central share atangin 50%, Rs.1823.89455 lakhs, a vaiin Rs.2590.31485 lakhs an release a ni. 

Dr.R.Lalthangliana, Health Minister department-ah hian tun hnaiah Mizoram State Health Care Scheme hnuaia bill tang cheng vbc 4 zet release a nih a, Chief Minister Zoramthanga remtihnain, vawiin khan SEDP fund atangin department lamin cheng vbc.20 zet pek chhuah leh mai theih tura phalna tihfel mek a ni bawk.