Tripura CM Deb a bâng
Tripura Chief Minister Biplab Deb chu Inrinni khan a bâng a, an state-a inthlan neih nan kum khat awrh chauh hun a awm tawh a. BJP legislative party chu tlaiah khan an hruaitu thar tur thlangin an thukhawm nghal.
Deb-a hian Governor SN Arya hnenah a bânna lehkha hi a thehlut a. Inthlan a hnaih tawh avangin a bâng thut hian zawhna a titam hle.
Raj Bhawan-a governor nena an inkawm zawh hnuah a bân thu hi a sawi zui a. “Party-in kan pawl tichak zawnga hna thawk turin min duh zawk a ni,” tiin a sawi niin news agency PTI chuan a sawi.
BJP Legislature Party thutkhawmah hian Union Minister Bhupender Yadav leh National General Secretary Vinod Tawde te chu central observer niin an tel a. State in-charge Vinod Sonkar pawh a tel a, an thutlukna erawh hriat hman a ni lo.
“Hemi chungchang hi kan lo hre ve chiah a. Engtin zel nge thil a thlen dawn kan hre thei rih lo va, BJP president nena kan sawiho hnuah a chiang ang,” tiin BJP thupuangtu, Subrata Chakraborty chuan Hindustan Times a hrilh.
Deb hi kum 2018 inthlana BJP-in hnehna an chan hnuah chief minister a ni \an a, kum 25 chhung zet Left Front sorkar an hrawn tawh an paih thla.
Rorel lai hian neuh neuh an nei zing hle a, Trinamool Congress chuan na takin an bei ve reng bawk.
Mamata Banerjee-i kaihhruai party-in an beih reng chungchangah hian thla hmasa khan Deb chuan saffron party hi kum 2023-a member 60 awmna assembly inthlanah an chak leh ngei dawn niin a sawi a. Trinamool aiin CPM nen an inbei nasa zawk dawn niin a sawi bawk.
“Tripura-a eptu lian leh hlauhawm ber chu CPM an la ni reng,” tiin a sawi.
A bân thu a chian veleh hian Trinamool hian na takin an chhaih zui a. “Tripura mipui sang telte laka hlawhchham chief minister mangtha! Tunah chuan chhiatna chuan tawp chin a nei ta. BJP hotu lawkte mit a tluk zo lo va, Trinamool-in an beihna an dawl zo ta lo,” tiin Twitter-ah an tar lang zui a ni.
Deb-a chauh hi BJP chief minister zinga inthlan hma lawk kuma bâng a ni lo va. Kum 2021 khan an rorelna - Uttarakhand, Gujarat leh Karnataka-ah hruaitu inthlak a lo ni tawh.
Latest News & Chhiar Hlawh
-
2m | Mar 28, 2024
-
2m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 25, 2024
-
1m | Mar 25, 2024
-
1m | Mar 25, 2024
-
1m | Mar 25, 2024