Tualchhung

Tualchhung hri kai pun lam pan hret, kaina hriat loh point 8.10 in hniam

Admin - May 02, 2021

Inkhuahkhirh puan a nih kar 20th - 25th ah 64.46%  niin kar liamta 25th to 1st May ah 57.18% a ni a. Kar 2 khaikhin hian tualchhunga a darh dan hian hniam lam a pan angin data ah lang mah se, West Bengal inthlana duty IR/MAP te lo haw zinga mi 474 test zingah hri kai 107 hmuh (28th April) a nih avangin hei hian ram pawna hri lo lut a tisang

Aizawl: Mizoram district capital theuha inkhuahkhirhna hman mekah puan a nih atanga chhutin nimin thleng khan mi 1229 in hri an kai thar a, heng zinga 738 chu tualchhunga inkaidarh niin 491 chu pawn lam atanga put luh a ni a. Hemi chhung hian kaina chin hriat loh 214 lai awmin inkhuahkhirh puan kar leh kar hmasa khaikhinin point 8.10 in hniam lam a pan thung a ni. Sample lak zat atanga chhutin 3.95% in hri an kai bawk a ni.

Ni 12 chhung data lakkhawm enfiahna atanga lang chu tualchhung a inkaidarh hi a tam zawk a, 60.04% a tling a. Inkhuahkhirh puan a nih kar 20th - 25th ah 64.46%  niin kar liamta 25th to 1st May ah 57.18% a ni a. Kar 2 khaikhin hian tualchhunga a darh dan hian hniam lam a pan angin data ah lang mahse, West Bengal inthlana duty IR/MAP te lo haw zinga mi 474 test zingah hri kai 107 hmuh (28th April) a nih avangin hei hian ram pawna hri lo lut tisangin  tualchhung lam a beng hniam ta thunga. Hemi awmzia chu sipai te tel lo hian 'pattern' ngaiah chuan tualchhung darh dan hi ni 12 chhungin 65.77% niin inkhuah khirh puan kar (64.46%) aiin kar point 1.31 in san lam a pan a ni. 

(Note: He report hi tualchhung leh kaihhnawih kai dan thlurna a ni a, IR/MAP duty lo haw te hi  hmun khat atanga a huhoa rawn haw an nih bakah rei tak awm ho tawh an ni a, report hian ni 12 chauh a huam a, IR/MAP telloa chhutna hi telh a ni.)

Kai thar 1229 atanga chhutin ram pawna lo lut atanga hrikai hmuh hi ni 12 chhungin 39.95% a ni a, IR/MAP chhiar telloin 34.22% a ni thung. 

Tualchhunga inkaidarh atanga chhutin kaina hriat theih loh hi 28.99% lai a tling bawk a ni. Inkharkhip puan a nih hnu kar 2 khaikhin hian tualchhunga hri kaina hriat loh chu 20th to 25th ah 33.65% niin kar liamta 26th to 1st May inkarah 25.55% a tlahniam thungin a tlakna hi point 8.10 a ni.

Damlo chhuah tir 439 awmin 35.72% a ni a, mi 3 an thi a,  sample (RagT &RT-PCR)  31,051 test hman a ni bawk. 

Inkhuahkhirh puan kar khan hri kai thar hi 3.36% niin kar liam ta khan 3.95% a ni bawk a ni.