April 19, 2024; Nimin chawhnu dar 2 vel khan Buhchangphai Gosen Venga cheng Lalthansanga (45) chu a thianpa Lalngaihawma (52) a nghawngah chempuiin a zai a, Kolasib Hospital panpui a nih laiin a hliam tuar lovin boral.

Thu lakna in a tarlan danin, Lalthansanga leh tualthattu-a puh Lalngaihawma-te hi Buhchangphaia cheng Bru hnam ve ve niin, nimin khan Lalngaihawma In-ah inkawmin zu an in dun chu an inhnial a, In neitu Lalngaihawma hian a thianpa hi chempui-in a hmalam nghawngah a zai a, Kolasib District Hospital panpui ni mahse thlenpui a nih hmain a boral a ni.

 Lalthansanga ruang hi Kolasib District Hospital-ah vawiin chawhma lam hian post mortem a ni anga, vawiin vek hian Buhchangphaiah vui tura ruahman a ni.

Lalthansanga hian a nupui leh fa 5 a kalsan a, a nupui leh a fate hi Tripura-ah an khawsak lai a ni.

Bilkhawthlir Police-te chuan tualthattu-a puh Lalngaihawma hi nimin tlai khan man nghalin thubuai an siam sak a, vawiin hian Kolasib District Court ah hruai a ni ang.

Thlalak : Buhchangphai