May 17, 2023; Nimin zinga Serchhip Bukpui leh Chhiahtlang Chhim Veng inkar a Lalsangzuala (31), Mission Vengthlang thihna a mawhphurtu a puh Laldinthara (42), Khawruhlian khawchhuak nia inchhal chu vawiin chawhma dar 11 vel khan TNT, Muanna Veng-ah man a ni a, central jail ah dah luh nghal a ni.

Police te hnen atanga ZALEN thudawn danin, nimin zinga Chhiahtlang lam atanga Sumo phar a Aizawl a thlen hnuah, Laldinthara hi TNT lamah a lo va kal nia hriat a ni a. Vawiin lam khan police ten TNT atanga hruai chhuak a thu an zawhfiah hnuah Lalsangzuala hi a thah ngei a nih thu a puang.

Police te hnen a a inpuan danin, nizan hmasa khan Serchhip Bukpui lam atangin Chhiahtlang lam ke in a pan a, kawng lakah Lalsangzuala nen hian inhmu in, an titi dun hnu-ah inhnial buaina an nei a, Lalsangzuala inrin loh laiin lung in a chhu ta mai niin a sawi.

Police te chuan Laldinthara hi Serchhip ah engti a awm nge tih te leh khawiah nge a khawsak tih te chiang takin an la hre thei mai lo a, thu an zawhfiahna zel turah a chanchin kimchang chiang zawk hriat theih a nih beisei a ni.

Laldinthara hi a sahimna ngaihtuah vangin vawiin khan central jail 
ah dah luh nghal a ni a. Khawruhlian khaw chhuak niin a insawi a, tunah khawi a cheng nge a nih chiah chiang taka hriat mai theih a la ni lo.