ZALEN September 14, 2026 : Lawngtlai Bawrhsap Donny Lalruatsanga vawiin khan kalta Zirtawpni (September 11) tlai a Tuihawk in a lak vanga thi, Ruby Lalrinsiami, Kum 6 D/o B Lalbawiliana, Lawngtlai College Venga chu râlna a nei a. Ruby Lalrinsiami Nu leh Pa hnenah hian SDRF hnuaia 'Ex-gratia Fund' atangin cheng Nuai li (4 laksh) a hlan a ni.

Donny Lalruatsanga chuan Ruby Lalrinsiami'n vanduaithlak taka nunna a chan chu sawrkar leh a mimal ang pawha a tawrhpui takzet thu a sawi a. Thihna hial thleng a nih angin District Disaster Management Authority (DDMA) chuan a theih ang angin a bawhzui nghal a, SDRF hnuaia Ex-gratia Fund - in bituk a siam angin râlna hi hlan a ni, a ti. Bawrhsap chuan chhiatna hrang hrang thleng thinah DDMA-in theihtlawp a chhuah thin tih sawiin, hma lam hunah pawh thahnemngai taka hmalak zel a nih tur thu a sawi bawk.

Ruby Lalrinsiami, râlna hun hi MJA Lawngtlai District President Elvis Lalthangzuala'n kaihruaiin, chhungkaw lam atanga thusawi ngishthlak a ni bawk a. An vanduaina tawha sawrkar leh khawtlangin an ngaihven leh chhawmdawlnaah lawmthu an sawi a ni.

Ruby Lalrinsiami (kum- 6) hi Zirtawpni tlailam khan ruah sur nasa tak karah Dawr a thil leitura a thiannu nen an kal chu Tuihawk luankawr ah chesual palhin metres 300 vel tuihawk hian lenin, chhan theih a ni lo a ni. A tuk Inrinniah a ruang enfiahin buaipui ngaite buaipuifel a nih hnuah Lawngtlai College Veng thlanmualah phum a ni.