February 7, 2023; Kum 2001 bawr vela Tuirial Hydel Project siamna tura NEEPCO hmalakna a ram lakna leh zangnadawmna pek thubuaiah, khatih laia Aizawl DC pisa a ADC leh ASO II thawk kawp H. Lianzela, MCS, tun a UD&PA Director chu court in thiam a chantir a. Midang 6 te erawh thiam loh a chantir a, an vaiin jail ah dahluh nghal an ni a, naktukah hremna puan a ni ang, thubuai hi CBI chhui a ni.

TUIRIAL HYDEL PROJECT DINNA TURA RAM LAK THU AH, VILLAGE COUNCIL RAM PASS LEM LO SIAMTIR TUTE LEH VILLAGE COUNCIL RAM PASS LEM HMANGA ZANGNADAWMNA LO DAWNGTUTE THIAMLOH CHANTIR NA.

By:
Special Judge
Prevention of Corruption Act
Mizoram, Aizawl.

Dt. 7/2/2023
Kum 2001 bawr vela Tuirial Hydel Project siamna tura NEEPCO hmalakna a ram lakna leh zangnadawmna pek thu a thubuai chu CBI ten chhui in, khatih laia Aizawl DC pisa a ADC leh ASO-II hnathawk kawp Pu H. Lianzela MCS te, ram neitu a in chhal te - (i) Pu C. Vanlalchhuana S/o Darphunga (L) Electric Veng, Aizawl (ii) Pu Saiaithanga S/o Chhantuahlala, Tuithiang, Aizawl (iii) Pi C. Rokhumi D/o Chawnghuliana (L), Durtlang, Aizawl (iv) Pu Lalduhawma S/o
Lalhungliana, Durtlang Leitan (v) Pu K. Lalrawna S/o Thangluaia (L), Champhai Bethel (vi) Pi P.C. Lalthazovi D/o Rodailova, Durtlang Leitan (vii) Pu K. Darkunga S/o Chalbera (L) ITI Veng, Aizawl te leh VC ram pass a Pu Sela hminga diklo taka hming lo sign tu-a puh Pu Lalrinsanga S/o Vanlalauva, Saipum, Kolasib District te chu thubuai siamsak an ni a.

Court hian dt. 22/4/2013 khan 419/467/468/471 r/w 120B of IPC leh
section 13 (2) r/w section 13 (1) (c) & (d) of the Prevention of Corruption Act, 1988 ah Pu H. Lianzela lakah thubuai a siam a, tin, hemi thubuaia tel ve midang 8 (Pariat) te lakah section 419/420/467/468/471 r/w 120B of IPC angin thubuai a siamsak bawk.

Court in thubuai a ngaihtuah chhung hian Pu K. Darkunga S/o Chalbera (L) ITI Veng, Aizawl chu a lo boral tak avangin a thubuai chu tih tawp a ni bawk.

Pu H. Lianzela MCS hi a ram enfiah (Survey) a nih laia Team Leader a nih angin ataka mihring awm si lo zangnadawmna dawng tura hming chuang te, zangnadawmna dawngtu tur mi 352 zingah VC ram pass lem 49 zet te lo pawmsak tu a puh a ni bakah, Branch Officer a nih laiin zangnadawmna pawisa dawngtu ten an lakna Actual Payee Receipt (APR) ah midang hminga lo dawng, midang hming lo sign sak tu engemaw zat an awm bakah, Actual Payee Receipt (APR) a hming sign tu leh ataka la dawng silo tamtak te pawisa chingpena puhna thubuai awrh tir a ni.

Hemi thubuai ah hian court ah CBI lam thuhretu mi 119 zet te koh leh thu zawh an ni a, hemi hnu hian puh an nihna hrang hrangah thubuai neite hi insawi fiah tir vek an ni. Thubuai neite lam hian thuhretu an duh ang te an lam tang atan an ko vek bawk.

Pu H. Lianzela chungthu bik ah hian court chuan CBI lam hian a thiamlohna an finfiah zo lo ti in thutlukna a siam a, zangnadawmna dawngtu mihring hmuh zawh loh anga tarlan te pawhin Actual Payee Receipt (APR) a zangnadawmna dawnna ah dawng anga hming sign vek a ni ngei a, hemi thubuaia puh ve dang te zawk inhnamhnawihna a lo ni tih court hian a finfiah a ni. Tin, VC ram pass lem chungthu ah pawh amah Pu H. Lianzela hi a chunga thuneitu ten an tirh angin thei leh thlai chauh enfiah in amah leh a hote hian hna an thawk a, VC ram pass tak a nih leh nih loh enfiah tura mawhphurhna nei a ni lo tiin court hian a tarlang a. Chubakah, zangnadawmna dawnna bu Actual Payee Receipt (APR) ah midang hminga lo dawng te chungthu ah pawh, a ni chu Branch officer a nih angin ahnuaia thawk ten an enfiah leh dik an tih chin a hnena an dah luh ang ang hming a lo ziahhnana mai tih court hian a finfiah bawk. Thubuaia an puhna dang, zangnadawmna dawngtura tarlan ataka la dawng ve lo te pawisa chungthu ah chuan, zangnadawmna dawngtur te hi an lungawi loh avangin an pawisa hi an lachhuak duh lo lui a, Pu H. Lianzela hian chumi chungthu ah chuan mawhphurhna a nei zui lova, chu pawisa chu angai ngaiin DC pisa lamah a la awm ngei ang ti in court in thutlukna a siam a ni. Pu H. Lianzela hi court chuan an puhna ah a fihlim tiin thiam a chan tir ta a ni.

VC ram pass lem 49 te hi kum 1982 leh kum 1983 kumah chutih hunlaia Saipum khaw VCP Pu Sela hminga pekchhuah ni a tarlan ni si, thubuaia puh 3of 4 dangte hian tlaikhaw hnu a an lei leh an hminga chuang ni si ah Pu Lalrinsanga S/o Vanlalauva, Saipum, Kolasib District hi Sela hminga diklo taka hming lo sign tu a puh a ni a, chutihlaiin FSL report ah Pu Lalrinsanga specimen signature leh VC ram pass lema tarlana hming sign tu hi thuhmun a finfiah a nih vang bak finfiahna dang pakhat mah a awm loh bak ah, Ram enfiahna (Survey) hi kum 2001 bawr vela neih a nih laiin Pu Lalrinsanga hi kum 2003 ah chauh Saipum VCP a nih bakah, ram lakna (Award) hi Award No. 4 of 2002 daih a nih bawk si avang leh VCP seal chuang ngeia hming sign a nih avangin, Court chuan CBI lam hian court ah finfiahna thatawk an neilo a hmu in Pu Lalrinsanga hi thiam a chan tir bawk a ni.

Chutihlaiin Special Judge, Prevention of Corruption Act chuan (i) Pu C. Vanlalchhuana S/o Darphunga (L) Electric Veng, Aizawl (ii) Pu Saiaithanga S/o Chhantuahlala, Tuithiang, Aizawl (iii) Pi C. Rokhumi D/o Chawnghuliana (L), Durtlang, Aizawl (iv) Pu Lalduhawma S/o Lalhungliana, Durtlang Leitan (v) Pu K. Lalrawna S/o Thangluaia (L), Champhai Bethel (vi) Pi P.C. Lalthazovi D/o Rodailova, Durtlang Leitan te chu section 420/467/468/471 r/w 120B IPC angin thiamloh a chan tir thung. An ni hi inthurual tlangin VC ram pass lem siamna a inhnamhnawih ah te, VC ram pass lem hmangin zangnadawmna an dawn theihna atan sawrkara thuneitu te bum ah te, VC ram pass lem a dik ang taka lan tira zangnadawmna dawngah te Special Judge hian thiam loh a chantir a ni.

Chutihlaiin, Pu Lalrinsanga, Saipum nen inthurualin thuneihna nei hauh silo ah VC ram pass pe chhuak si anga puhna section 419 IPC ah erawh Pu Lalrinsanga, Saipum khua thiam a chantir avangin midang ho pawh hi fihlim tir an ni.

Court thutlukna (Judgment) bul tanna ah Special Judge hian khawtlang nunah sumpai duham luatna a hluar hle lai leh, thawhrim rah nilo pawisa awlsam umna hian ram inrelbawlna leh kan ram sumpai a nghawng chhe ta hle a, hlemhletna leh kuttlinglova sumpai umna in ram hmasawnna a tih thuanawp zia te, sawrkar in ram a lakna a zangnadawmna dikhlel leh tam uchuak in mipui sum a eiral nasat zia leh hmasawnna hnathawh ti su kuk tu a nih zia te, chutiang chanchin lungchhiat thlak tak chu he thubuai hi a ni ve in mipui zawng zawng ten inthuruala do tlan ngai a ni tih a tarlang bawk a ni.