Aizawl; Ningani kalta khan Teirei lui ah Lalhruaikima, Mamit fire dept. a driver hna thawk mek chu a tla a, vanneihthlak takin a kalpui Thangduailova, Mamit fire station a firemen thawk chuan a chhanchhuak. Thudawn danin Lalhruai-kima te hi a thiante nen sangha manin an kal a, an haw lam Bawngva bul, Teirei luia an inbual chu chesualin Lalhruaikima hi tuiin a la a. Tui a tla a ni tih an hriat veleh a kalpui Thangduailova, Mamit Fire Station-a Fireman (Zawlnuam khua) chu tuiah zuanglutin Lalhruaikima bânah a man a, a hnukchhuak thei ta hram a ni. Tui atanga lak chhuah anih hian Lalhruaikima hian engmah a hre lova, alo chau hman hle tawh a, a hnu deuhah a harhchhuak chauh a ni.