Portuguese coach Nuno Espirito Santo Gomez hian Molineux-ah kum li chhung zet hun a hmang ve tawh a, mahse zanin Premier League game hnuhnung ber an an khelh zawh rual hian Wolverhampton club chu a mangtha tawh tur thu a sawi a; Wolves lam pawhin zanin Manchester United nena an muala an inkhelh zawh hnuah an head coach chuan a chhuahsan tur thu hi an puang ve tawh bawk. 

Molineux mualah kum li chhung a thiamna leh thluak a hman hnuah, Portuguese tactician chuan chona thar hmachhawn turin a awngphah a pu chhuak dawn ta. A hna a thawh chhung hian Wolves board lam pawhin an thlawp tha thei hle a, Wolves tana manager tan rei lamah pangana a hauh phak hial a ni. 

Eng nge a sawi
Wolverhamton a kalsan tura thutlukna a siam chungchangah Nuno chuan,"He hmuna ka rawn kalni hmasa ber atanga kan thil a tha zawng a kalpui a, siam that ngai lai siam danglam leh a hmaa hmasawn kha ka duh a, chu ka hmathlir chu  nitinin a thleng thin niin ka hria.  Lungrual leh phur tlang takin  kan thawk hoa, kan tum kan hlen thei thin kha inchhuanna tham a niin ka hria,” a ti.

Sawi zawmin,"Ahmasa berah chuan, club supporter ho hnenah lawmthu ka sawi duh a, club-in tun dinhmun kan thlen theihna tur hian dinhmun pawi mawh tak kan luah tlang vek a ni. Bakah mikhuallo taka min cheibawla, tual chhungmi ang maia min pawmtu he khawpui-a cheng mipui te chungah hiam lawmthu ka sawi duh bawk. Wolves staff te min thlawpnaah hian ka van lawm hle bawk a ni. A tawp berah chuan, ka nuna mi pawimawh em em te, thawhrimna, theihna leh inpekna zawng zawng nena nitina ka thawhpui thin player te hi vawiin ka zinkawng min zawh tir theitu annih vangin an chungah ka lawm em em a ni," a ti.