Lirnghing a tehna richter scale 7.8 zeta nain Turkey leh Syria a sawi a, mi 4300 chuang an thih tawh bakah, hliam na tak tak mi sing tel an awm. Turkey Disaster Agency chuan lirnghing avang hian Turkey-ah chuan mi 2,921 an thi tih a puang a, mi 15,000 chuangin hliam an tuar bawk. Syria-ah pawh lirnghing avang hian mi 1,451 an thi tawh a, hliam tuar zat chiah erawh hriat theih a ni lo. 

Chhanchhuah hna ngawrh taka thawh mek zel a ni a, building chim hnuia tang eng emaw zat an la awm a, thi zat pawh hi an pun chhoh leh ngei a rinawm. Lirnghing hi a na hle a, building sang 5000 chuang a sawi chhia. After shock pawh vawi 60 chuang a thleng a, inkal pawhna leh inbiak pawhna thlengin a buai nasa hle a ni. Turkey Disaster Agency chuan lirnghing avang hian Turkey-ah chuan mi 2,900 an thi tih a puang a, mi 15,000 chuangin hliam an tuar bawk. Syria-ah pawh lirnghing avang hian mi 1,400 an thi tawh a, hliam tuar zat chiah erawh hriat theih mai a ni lo. 

Turkey sawrkar chuan chhiatna rapthlak tak an tawh avang hian khawvel tanpuina (international appeal) a dil nghal a, US leh South Korea sawrkarte chuan tanpuina hi an thawn nghal. 

Syrian state news agency SANA chuan an sawrkar enkawl huam chhunga thi zat chu mi 711 an nih thu a puang a, Syria Civil Defense chuan an thuneihna huam chhung pawn lamah mi 740 an thih thu a puang ve bawk. Lirnghinna hmun hi Turkey leh Syria inrina bawr a ni a, hmun tam tak hi chu anti-government forces ten an thununna lai a ni. Syria-ah hian kum 2011 atang khan civil war a chhuak a, hei vang hian hmun then khat hi chu sawrkar kutah a awm lo a ni.