Aizawl March 4, 2023 : 2007 atanga kum tina hman thin World Hearing Day pualin vawiin khan National Programme for Preventive and Control of Deafness (NPPCD) huaihawtin Aizawl Press Club-ah hun hman a ni a, he huna hun hmangtu Dr. Lalramnghaki, ENT Surgeon chuan Bengngawng te laka rilru put hmang thlak a pawimawh tih a sawi.

Dr. Lalramnghaki chuan, "Kumin World Hearing Day thupui hi "Changing mind-sets : lets make ear an hearing care a reality for all" tih a nih angin Bengngawng kan en danah te hian kan ngaihdan i thlak ang u, Kumin thupui hian a ngaihpawimawh em em chu bengngawngte chunga kan ngaihdan thlak hi a ni," a ti.

Bengngawng te chu piahphunga normal vek an ni a, chuvang chuan piangsual an ni hran lo a, theme in zirtir a tum ang hian an chunga ngaihdan thlak a, mi pangngai anga pawm a pawimawh tih a sawi bawk. Mipuite Beng leh ri hriatna khawlte enkawl uluk a ngaihzia te, ri hriatna hloh a nih chuan hriatchhuah vat a, enkawl vat a ngaih thu a sawi bawk.

Mizoram-ah Rualbanlo te tana siam Unique Disability Identity Card nei 2792tun dinhmunah an awm a, hei hi Civil Hospital-in a chhinchhiah chin a ni. Heng card nei zinga 1927 te chu Bengngawng an nih thu leh Aizawl district-ah he card nei Bengngawng hi mi 873 an ni.