Aizawl March 15, 2024 : Central sawrkar chuan state sawrkar chu Ui thenkhat mihring beih ching te chu lakluh khap turin a hrilh. Department of Animal Husbandary and Dairying chuan heng Ui breed te khuahkhirhna dan tur hi a duang tawh. He thutlukna hian ran neitute tan mawhphurhna sang tak a pe tura ngaih a ni.

Ui in mihring a beih hi a hluar tak em avangin central hian state sawrkar chu Ui chi khuahkhirh bik lakluh leh hralh te a khap dawn a, India a sawi hlauawm chi an khap turah hian Pitbull, Rottweiler, terrier leh Mastiffs te leh heng ui cross-breeds te hi an tel a ni. Heng Ui chi te hi an hlauhawm mai piah lamah mi an beihna avanga thihna a thleng fo a ni.

Ui lakluh leh hralh an khap te chu - Pittbull Terrier, Tosu Inu, American Staffordshire Terrier, Fila Brasileiro, Dogo Argentino, American Bulldog, Boesboel, Kangal, Central Asian Shepherd Dog, Caucasian Shepherd Dog, South Russian Shepherd Dog, Tornjak Sarplaninac, Japanese Tosa and Akita, Mastiffs, Rottweiler, Terriers, Rhodesian Ridgeback, Wolf Dogs, Canario, Akbash, Moscow Guard, Cane Corso leh Bandog te an ni.

He thutlukna hi expert leh leh animal welfare group ten Delhi High Court-a thutlukna an thehluh hnua ngaihtuah a ni. Delhi High Court chuan hemi hma hian Ui chi thenkhat chu vulh atan a lo khap tawh. Court chuan Union of India chu he thutlukna siam tur hian a ti a, thla thum hnuah he thutlukna hi siam a ni ta a ni.