ZALEN, December 20, 2025: United Kingdom-a sport hmanrua leh bungrua siamtu hriat hlawh tak, Swar.uk chuan Mizo tleirawl cricketer pahnih, Jacinta Laltanpuii leh Sandhia Rai te chu kum hnih chhung inkhelhnaa an mamawh tumsak turin inremna an siampui.

New Chaltlang tleirawl, Jacinta-i leh Sandhia, Kawnpui te hi Swar.uk hian kum 2026-2028 chhung an sponsor dawn a ni.

Swar.uk hi International Cricket Council (ICC) pawhin cricket khelhna hmanrua a siam chhuahte an inelna buatsaiha hman an phalsak (approve) an ni a. Jacinta-i leh Sandhia-i te hi inremna an siam chhung hian cricket hmanrua (bat, pad, apparel) an pe thin dawn a ni.

Jacinta-i leh Sandhia-i te hi Mizoram Under-19 team-a player pawimawh ber ber an ni mek a. Tun hnai lawka Twenty20 Trophy (Plate)-a an champion tum leh tuna final an luh tawhna, One Day Trophy (Plate) khelh mekah hian captain leh vice captain an ni.

Swar.uk hian Lalhruaizela, Durtlang leh Sahil Sharma, Thuampui te chu kum hnih chhung sponsorship a lo pe tawh bawk a ni.