ZALEN September 06, 2026 : Nimin khan New York-a United Nations General Assembly chuan zirna leh vantlang hman atan ram hrang hrang leh continent-te zau zawng dik taka tilangtu 'Equal Earth' projection chu khawvel map atan a pawm.

Togo leh African Union-te hmalakna aṭanga ruahman hi ram 164-in an thlawp a, US chauh-in duh loiin vote an thlak a, ram 6-in vote an thlak lo a ni.

Kum zabi 16-na aṭanga hman tawh 'Mercator map' chuan Africa zau zawng a ti te a, Greenland chu lian takin a tarlang thung. A takah chuan Africa hi Greenland aiin a let 14 velin a lian zawk a ni.

Mercator map hi lawnga zin thin te hman tura duan a ni ber a. Khawvel bial (3D sphere) dan ang hi lehkha phek (2D) a nem kai chuan Equator hnaih ramte chu a tilang te ta a.

Mercator map hian kalna lam (direction) a dah chungnung zawk a, Equal Earth projection chuan ram zau zawng a dah hmasa zawk thung.