Chevrolet,  Sharp, Vodafone, AIG, leh Aon te nena thawk ho tawh thin Premier League club tantu ngah Manchester United chuan jersey sponsortu thar neiin TeamViewer nen kum nga daih inremna thuthlung an ziak. 

TeamViewer nena an inrem dan chuan season khat zelah sponsor tu lam hian pound maktaduai 47 an pe thin dawn a ni. TeamViewer hian shirt bakah training kit lam pawh an sponsor ang. 

He inremna thuthlung hi Premier League club history-a shirt sponsor lian ber a,  shirt sponsor lian ber erawh FC Barcelona leh 'Rakuten' te inremna kum 5 chhunga pound maktaduai 235 pe tura an inremna thuthlung kha a ni. 

Chevrolet nena an sponsorship deal hi tun season hian a tawp tawh dawn a, season thar atangin  TeamViewer hian an thlak ang. Chevrolet leh Manchester United te hi 2014 atang khan an thawkho tawh a, inremna siam tawh lovin Man United hian sponsor thar zawngin kum 2005-a din software company nen hian an inrem ta a ni.