Novak Djokovic chuan Grand Slam maltan nomawi la hnem ber a nihrual ta a, Thawhtanni tuk khan Daniil Medvedev chu New York-a US Open mipa maltan final-ah a hneh.

Kum 36 mi Serb hian 6-3 7-6 (7-5) 6-3 in hnehna a chang a, awlsam taka straight-set-a chak angin scoreline-ah hian lang mah se a takah erawh Russian tlangval hian a chhaih buai ve hle thung.

Set khatna awlsam takin la mah se set hnihna erawh darkar khat leh minute 44 zet an khel hial a n.

Set thumna tan phatah Mevedev-a service laksakin a thunun zui a, kum 50 zet Margaret Court-in a lo dinpui tawh, Grand Slam maltana champion tam ber nihna chu a nihrual ta a ni.

A vawi 24-na atana nomawi la thei, Djokovic chuan, “He infiamnaah hian ka naupan laia a sang ber thlenga inlan ka châknaah khan ka awm mek a, heng hi hun harsa karah pawh kei leh ka chhungte inpekna rah a ni,” a ti.

Champion tura rinkai pahnihna ni chunga intihsiaknaa inlan, Djokovic-a hi set hnihnaah hian a taksa lam pawh a chau ve tih a hriat a; mahse, theihtawpa beiin a vawi li nan US Open mipa maltanah a champion leh ta a ni.

Kumin kum tirah khan Djokovic-ah hian Rafael Nadal-a’n mipa maltana Grand Slam nomawi 22 a lak chu khumin July thlaa Wimbledon final-ah khan Australian star Court-i record nihrual theihna hun tha a neih zui erawh hmang tangkai zo lovin final-ah a chak lo.

Kuminah hian Grand Slam pali awma pathumah champion-in hetiang result hi vawi li a hlawh chhuahna niin a ti thei hmasa ber a ni ta bawk.

World No. 1 ni zui nghal tur hian January thlaah Court-i record khum theihna hun tha a nei zui nghal dawn bawk a. Melbourne inelnaah hian vawi 10 zet a lo champion tawh a, Grand Slam pali zinga hnuhma a neih that berna a ni sa mek.