Naomi Osaka chuan a US Open title hum zo lovin third round-ah Canadian teenager Leylah Fernandez, kum 18 mi Fernandez lakah 5-7 7-6 (7-2) 6-4 in a tlawm. 

Osaka hian set khatna chu awlsam angreng takin 5-7 in a la a, mahse set hnihnaah Fernandez-i hian rawn lehthalin Osaka hian a tum angin a khel hleithei lo. A thinrimin racquet chu lei charah tum hnih zet a khawng nghe nghe. Fernandez hian a chakna a hmang thiam hle a, a forehand tha zet chu a chakpui a tihthei bawk awm e. Round li-naah Fernandez hian Grand Slam champion hlui tho Angelique Kerber a hmachhawn leh ang. 

Fernandez chuan,"Inkhelh tan tirh atang khan ka chak thei tih ka hre lawk thei a ni, amah Naomi kha ka en lova, eng thil nge tih ka duh tih chiah ka thlir a, entu mipui khan danglamna nasa tak an siam a, ka chak theihna turin min pui a ni," a ti.

Osaka hi depression vangin hun engemaw chan a buai tawh a, kar riat chhung zet a chawl nghe nghe. Osaka-i hneh loh Fernandez hi World number 70 nilai mek a ni.