US Senate chuan kum 30 dawn hnuah a vawi khat nan 'gun control bill' a pass ta. Bill pass a nih theih nan hian Congress (upper chamber) ah Republican 15 te chuan Democrats an thlawp a, vote 65-ah 33 hmuin bill hi a tlang ta a ni.  

Thla hmasa mai khan Buffalo supermarket, New York-ah in pawng kahna a thleng a, Uvalde, Texas-a primary school-ah pawi khawihna rapthlak tak a thleng bawk. Heng inkahna thlengah hian pawisawi lo mi 31 zetin nunna an chan a ni. He thil thlen hnu hian silai khuahkhirhna dan khauh zawk lekkawh duhin mi tam tak an au chhuak a, gun control bill chu pass a ni zui ta a ni. 

Bill hi US President Biden-a'n hming a ziah hnan a ngai dawn a, hmei hma hian House of Representatives (lower chamber) ah an pu lut leh bawk ang. Bill hi President-in hming a ziah hnan hnuah chuan dan (law) a ni tawh dawn a ni. 

Dan tharah chuan silai lei tumte chu an chanchin uluk zawka chhuilet sak an ni ang a, kum 21 an tlin ngei ngei a ngai dawn bawk. Dan thar denchhen hian mental health program atan $tld 15 dah a nih dawn bakah, school security tihchangtlun a ni bawk ang.