ZALEN Oct. 20. 2024; Vairengte police ten police check gate-ah Rs. Nuai 7 chuang hu heroin an man.

Ni 19.10.2024 tlai dar 5:00PM vel khan Vairengte Police-te chuan Vairengte Police check gate-ah Kolasib atanga Silchar lam pan lirthei pakhat (Maruti A-Star B/R No.MZ05A/0712), Khundra Pam (55) s/o K. Tomba, Venglai, Kolasib nia inchhal leh a thianpa Lalchhanchuaha (38) s/o Lamthanga (L), Venglai East, Kolasib nia inchhal te khalh chu lo tidingin, ngun taka lirthei an dap hnuah heroin 

ni ngeia hriat, gram 239.18 (hawng 20) a rit, Rs. 7,17,540 man hu chu an man.

Lirthei endik anih lai hian lirthei neitu leh khalhtu Khundra Pam (55) s/o K. Tomba, Venglai, Kolasib hi chin hriatloh in a tlanbo hman a ni. 

Vairengte PS Case No.49/24 Dated 19.10.2024 u/s 21(b)/25/29(1) ND&PS Act ziah luh niin mi dang kaihhnawih awm theite chhui zui mek a ni.