ZALEN September 12, 2026 : Tukin dar 4 vel khan Vairengte Zalen Vengah leiminin chenna in a hnawla Zodingliana (14) a thi.

Vairengte atanga ZALEN thudawn danin Mamlalliana In (semi pucca building) leh a kawmthlang chiaha a fapa Lalramneiha tein (assam type) chu tukin khan leimin a hnawl a, Zodingliana (14) s/o Lalramneiha chu inchim hian a delh hlum.

Mamlalliana leh a fapa Lalramneiha te hian hliam tuarin Silchar damdawi in panpui an ni, Mamlalliana hian a lu-ah hliam tuarin CT Scan an ti a, ngaihtuah awm lutuk an nilo niin ZALEN thudawnna chuan a sawi.

Zodingliana ruang hi tukin zing dar 7:30 vel khan in chim kar atangin lak chhuah a ni a, vawiin tlai dar 3 ah vui tur a ni.