Mar 5, 2024; Tukin dar 4 rik hma deuh khan Vaivakawn ah Assam Type in pakhat a kang a, In kan chhan hi hriat mai theih a la ni lo.

Vaivakawn Branch YMA hruaitute hnen atanga ZALEN thudawn danin, tukin dar 4 rik hma deuh khan Vaivakawn Section-I, High School bula Zasangi In Assam type, PC Lianzika te luah chu a kang a, in dang kangkai lovin thelh a ni a, he in leh a chhung bungrua engemawzat a kang a. In luahtu nu Vanlalhluti hian hliam na vak lo a tuar a ni.

In hi a chhawng niin, a chung zawk chu In neitu Zasangi'n luahin, a bungraw dah nan hman a ni a, In kangah hian a bungruate chhan hman a ni. Hetihlai hian In hnuai (sethlam a sak) a awm PC. Lianzika te erawhin an bungrua an chan nual thung. In kan chhan hi he thu ziahlai thleng hi chuan hriat theih mai a la ni lo.

In kang senghawi in vawiin tukthuan eikhamah hnatlang koh a ni.