Kum 2018-a £107million zet senga an lei, tuna kar tin pound nuai 3 hlawh an pek mek Antoine Griezmann chu, Barcelona president  Joan Laporta chuan hralh an phal thu a sawi chhuak. 

Covid-19 hri leng vangin Barcelona hian sum leh paia harsatna lian tak an tawk mek a, chumi phuhrukna atan chuan mual chhunga an chhawr tangkai em em loh an player hlawh tam Griezmann chu hralh chhuah mai an phal a ni. 

Player hlawh tam rual kawl mek Barca chuan an player te hlawh an tih hniam sak mek a, chutiang harsatna karah chuan an club president Laporta chuan, “Club hian Griezmann nen hian harsatna kan neih hran lo, Mahse, kan dinhmun a chhiat em avangin ui thei kan ni lo. min dawrtu an awm chuan kan chhuah phal a ni,” a ti.