Aizawl: Zirtawpni zing khan Vairengte Kawngthar venga Vanneihthanga (L) te varak chu ui nia hriatin a seh a, tunlai Manipur lam thilthleng nen mi thenkhat ten sawizawmin ransa makin a seh niin thu a thang a, mipui an chiai hman.   Vairengte atanga Zalen thudawn danin ui nia hriat hian varak 5 a seh a, he thilthlen lai hian zing dar 4:30 vel niin an thenawm a cheng JH Lalthlamuana chuan an thenawmte Ar chu Ui nia hriatin rawn umin an lo auh avangin a um zui ta lo niin a sawi. Lalthlamuana sawi danin hetianga Varak sehhlumtu hi Ui anih a rin chhan sawiin an awmna veng chhak, Dinthar vengah hian Ui lian chi awmin kum kalta pawh khan Vanneihthanga(L) te in hnuai luahtute Ar chu 3 lai alo sehhlumsak tawh niin a sawi bawk.