September 8, 2023; Vawk vulh uarna khua, Aizawl leh hmun dangte pawhin Vawk lakna ber atana an hman Kawlkulh khua ah, tunhnai thla 2 chhung vel lek chhungin Vawk 300 chuang ASF vangin an thi tawh.

Kawlkulh atanga ZALEN thudawn danin, Kawlkulh khua ah hian Vawk vulh an intihhmuh chho hle a, tunhnai ah phei chuan Aizawl leh hmun dang atang pawhin Vawk lakna ber a an hman a ni.

Kumin July thla chho atang khan ASF vangin an Vawk vulh te an thi tan a, an hriat theih chin ah 300 chuang a thi tawh a, VC ten a phumna tur thlanmual an siam pawh a khat tawh a, tunah hian hmun dang an dap leh mek. Hetihlai hian ASF len tan tirh ah hri kai hlauh vangin Vawk 400 chuang an tiral hman.

Mimal anga Vawk 50 chuang chan te pawh an awm a, 20/30 chan pawh mi engemawzah an awm tawh. Hemi chungchangah hian an bialtu MLA L. Thangmawia chuan theihtawp chhuahin hma a lakpui a, ASF venna tur damdawi pawh thahnemtak a pe tawh. Vety lam pawhin theihtawp chhuahin hma an lakpui mek bawk.

Thlalak : File picture