Aizawl: Nimin khan MNF Venghlui Unit Workers’ Meet chu K. Liantlinga in, Venghluiah neih a ni a, kumin kum tawp inthlan lo awm turah chakna an chan ngei theih nan an in fuih tharna an nei.   Venghlui MNF Workers’ Meet-ah hian MNF General Headquarter Vice President R.Tlanghmingthanga’n thu sawiin, “Mikhual sawrkarin ram min enkawlsak a, hmangaihna leh duhsakna tel miah lovin, hnam nihna leh Pathian hre lovin ro min relsak a, chung rorelna petute chu midang ni lovin, keimahni kan ni a, kan inenlet a ngai a ni,” tiin, “Ram leh hnam enkawl tur chuan ram hmanghaitu an tha ber a, ram hmangaihtute chu thisen far tawp thlenga ram tana nun petute leh chu thluthlung vuantu, a la dama te an ni a, chu chu MNF hi kan ni,” a ti. K Vanlalauva, Core Committee member MNF General Headquater pawh in thu sawiin, "Kum 2008 inthlan kumah MNF chu tlin leh inring takin an tla a, tun inthlan loawm turah pawh hian rorel lai chu tlin leh inring takin an tla dawn a ni,” a ti a. “ZPM hi kum 1998 inthlan tuma phur taka a intel khawm a, phur taka artelukawn ta vek thote kha an ni a, rorelna châka tuihal ringawtte an ni,” a ti.   Meeting thlengtu, K.Liantlinga pawhin thu sawiin, “Politics hi laina hnaite leh lam tangte induhsakna ringawt a ni lo va, Ram hmasawnna tura hnathawhna hmuh a ni a, chumi ah chuan inlungrualnate, thawhrimnate, huaisenna, taimaknate, rinawmnate a ngai a, thahnemngai taka mipui rawngbawlna hmun a ni," a ti bawk.