Vicky Kaushal leh Katrina Kaif an innei dawn

Admin - Nov 14, 2021

December 7 atanga December 12 thleng a awh dawn

Bollywood superstar Vicky Kaushal leh a bialnu Katrina Kaif te chuan thla thar khian 'tiam tlat e' an tive dawn ta e. 

An inkutsuihna hmun tur hi Six Senses Fort Hotel, Rajasthan (Sawai Madhopur district) niin, inneih vuak vet hian December 7 atanga December 12 thleng a awh dawn.

Six Senses Fort Hotel hi hotel upa tawh tak leh mite ngainat hlawh tak a ni a, Vicky Kaushal leh Katrina Kaif te pawhin an  thlang chat hi a mak lem lo. Chutih rual chuan ni khat hman man pawh a tlawm lem lo hle a, ni 6 leh zan ruk atan an book fel tawh - sum chu an seng ve nual dawn. 

He royal palace hi kum 700 vel zeta upa niin, nawm chenna leh intih hlimna chi hrang hrang 48 vel zet a awm a, a building sak dan hmang pawh a dangdai hle. A hmunah hian sawm bik ten kar khat dawn hun an hmang dawn a, intihlimna chi hrang hrang an buatsaih dawn. An vei vahna turin lirthei chi hrang hrang an book fel tawh bawk.   

Vicky Kaushal leh Katrina Kaif te hian an thian hnaite sawmin 'Ek Tha Tiger' director Kabir Khan-a chenna inah inhualna hun an lo huaihawt tawh bawk a, sawm zingah hian - Karan Johar, Ali Abbas Zafar, Kabir Khan, Kiara Advani leh Varun Dhawan te pawh an tel a ni. 

Kum 33 mi Vicky Kaushal leh Katrina Kaif (38) te hi 2019 atang khan an inzui tan a, a tirah thup ve bawk mahse rei tak erawh an thup theih bik lo. Hun eng emaw chen an inzui hnuah tun hnai khan inhualna 'roka ceremony' an buatsaih a, inneih zai an rem zui ta a ni. 

British chhul chhuak Katrina Kaif hian Bollywood-ah hriat a hlawh hle a, film hit tak tak - Bang Bang, Zero, Sooryavanshi, Tiger 3, Tiger Zinda Hai, Dhoom 3 leh Boom ahte a inlan tawh a, heng bakah hian film dang thahnem takah a inlan tawh bawk. Vicky Kaushal pawh Bollywood-ah chuan hriat hlawh berte zinga mi a ni a, a channa hit lo tak tak a awm ngai meuh lo - Bollywood star pahnih innei turin boruak a nei lian chho mek. 

Share now