ZALEN, September 12, 2025: Intensive Care Unit (ICU)-ah enkawl ngai hial, Mizo rapper Vincy Chhangte chuan hma sawn zelin tunah chuan cabin-ah dah a ni tawh a, a phone pawh a khawih leh peih tawh. 

'Ka thisen leh taksa' larpuitu, Vincy hi Thawhlehni zan khan Aizawl Hospital & Research Centre, Aizawlah dah luh niin a dinhmun a that vak loh avangin ICU-ah enkawl a ni. 

Tunah chuan a dinhmun hi tha tawhin Zirtawpni chhun khan cabin-ah dah ngam khawpin a tha tawh a. Amah pawh a lawm hle a, amah enkawltute doctor leh staff-te chungah lawm thu a sawi a, tawngtaisaktute chungah lawm thu a sawi bawk. 

Vincy hi internal bleeding vanga damdawi in lut nia sawi a ni.

#zalennews