Vinoo Mankad Trophy khel turin Mizo rawltharten Odisha pan

ZALEN, Sept., 29, 2026: Mizoram Under 19 cricket team chuan Vinoo Mankad Trophy Plate khel turin Odisha panin Thawhtanni khan an chhuak a, October 8-ah an inkhel tan ang.

Board of Controll for Cricket in India (BCCI) 2026-27 season tan turah Mizo rawltharte hian plate group-ah state dang panga nen awmhovin vawi khat theuh an intum dawn a, a sang pahnihin October 18-ah Bhubaneswar-a KIIT Cricket Stadium-ah final an khel dawn a, an chak chuan season tharah a thiam bikte inelna, Elite an kai dawn a ni.

Rawlthar kum 19 hnuai lamte inelnaah hian Mizoram hian an khelh hmasak berah East Cost Railway Sports Association Stadium, Bhubaneswar-ah Meghalaya rawltharte an hmachhawn dawn a. Meghalaya bakah hian Tripura, Nagaland, Arunachal Pradesh leh Sikkim an hmachhawn dawn bawk a ni.

Vinoo Mankad Trophy 2025-26 season khan Mizoram hi an che tha vak lo va, an khelh hmasak berah Nagaland rawltharte hneh nghal mah se a dawt leh inkhel paliah an tlawm vek a, tun season-ah hian inbuatsaihna tha zawk nen beiseina sang zawk nen an khelhna hmun tur hi an pan a ni.

MIZORAM FIXTURE:

Oct. 8, 2026 - Mizoram U-19s vs Meghalaya U-19

Oct. 10, 2026 - Tripura U-19s vs Mizoram U-19s

Oct. 12, 2026 - Nagaland U-19s vs Mizoram U-19s

Oct. 14, 2026 - Mizoram U-19s vs Arunachal Pradesh U-19s

Oct. 16, 2026 - Mizoram U-19s vs Sikkim U-19s

VINOO MANKAD TROPHY 2026-27 MIZORAM TEAM

1. C Laldinpuia, Ramthar Veng

2. Eric Zonuntluanga, Sihhmui

3. Johan Lalhriatpuia, Hunthar

4. Henry Lallawmzuala, Zemabawk

5. H Lalrinfela, Zemabawk