ZALEN, Aug. 28, 2026: Salvation Army thalaite tana zaithiam thlanna, Voice of Salvationist 2026 atan Jacob Lalthatluanga, ITI Corps, Aizawl thlan a ni.

Ningani zana Youth Multipurpose Center, Ainawn Veng, Aizawla intihsiak hmawrbawkna, grand finale-ah intihsiakna hnuhnung ber leh result puan a ni a. Finalist panga atangin Jacob-a hi VoS 2026 atan thlan a ni ta a ni.

Finalist-te hi Thawhtanni zan khan an lo intihsiak tawh bawk a, zan hnih intihsiakna atangin thlan chhuah a ni.

Grand finale-ah hian intihsiakna bakah hian VoS 2023 Cadet Vanlalruati, J. Lalrosanga, Peter Lalnunpuia, kudge te leh Territorial Staff Songsters ten hun an hmang bawk. 

VoS 2026 hi Territorial Salvation Army Youth Council buatsaih niin Division tina audition round neih a nih hnuah August 1, 2026 atang khan Jubilee Hall, Bethlehem Corps-ah tan a ni a. Top 50 thlangin Top 30 thlan leh an ni a, hemi hnua Top 10 thlan chhuahte inelna chu Youth Multipurpose Center-ah chhunzawm tan a ni ve thung.

VoS 2026 Top 3:

Pakhatna - Jacob Lalthatluanga, ITI Corps

Pahnihna - Sangmawia, Dinthar Corps

Pathumna - Melanie Lalthansangi, Chanmari Corps

TOP 5-a lang dangte:

TC Lalmuansanga, Rulchawm Corps

Vanlalchhandami, ITI Corps