- Lalnunmawia Pachuau

Mizoramah hian Voter ID card nei kawp hi kan awm nuk awm e. State ṭhenawm aṭanga lo awm, an mahni state leh kan state-a vote nei kawp hi a rukin an inphum teuhin a rinawm bawk. Tun hnai maiah pawh state thenawm mi in Mizorama Voter ID Card a lo neih reng thu kan hre nawlh mai a, hei bakah hian mi tamtak, State dang mi, Mizorama ID Card nei kawp hi an awm furin a rinawm.

Voter ID Card hi neih double phal a ni lo a, section 17 & 18 of Representation of People Act, 1950 chuan a khap tlat a ni.. Section 17 of RP Act-in a sawi hi lo thlir ila:

"17. No person to be registered in more than one constituency.— No person shall be entitled to be registered in the electoral roll for more than one constituency.”

Section 17 of RP Act-ah hian Contituency pakhat baka voter neih phal a nih loh thu chiang taka tarlan a ni. Hetiang chiah hian Section 18 of RP Act-ah Constituency pakhat chhungah Voter ID Card neih double theih a nih loh thu kan hmu leh bawk.. 

“Section 18. No person to be registered more than once in any constituency-

No person shall be entitled to be registered in the electoral roll for any constituency more than once".

HREM THEIHNA:
A ruka voter lo nei double te an lo awm thin avangin Voter ID card dilna turah pawh hian Election Commission of India poh hi a fimkhur hle. Voter ID Card dilna form-ah Declaration a awm a, he mi awmzia chu, "Ka dilna lo thehluha ka thu lo thlen zawng zawng te hi thudik tak a ni, dawt thu engmah a tel lo.." tihna a ni. Section 31 of RP Act-ah chuan voter ID Card nei double te chu "False Declaration" hmangin kum 1 thleng Jail tan theihna, pawisa chawi tir theihna leh a pahnihna  hrem theihna a lo tarlang leh a..

“31. Making false declarations.—If any person makes in connection with—

(a) the preparation, revision or correction of an electoral roll, or

(b) the inclusion or exclusion of any entry in or from an electoral roll, a statement or declaration in writing which is false and which he either knows or believes to be false or does not believe to be true, he shall be punishable with imprisonment for a term which may extend to *one year, or with fine, or with both.”

Amaherawhchu, Voter ID Card neih double hi non-cognizable offence a ni a, Magistrate order hmang chauha chhuia man theih an ni. Police Station-a FIR thehluta man theih nghal (Cognizable Offence) kan tih nen a inang lo a. Court-ah Judicial Magistrate hma ah Criminal Complaint file-a luhpui tur a ni. Keshav Lal Thakur v. State of Bihar, (1996) 11 SCC 557, -ah Supreme Court chuan, "Offence under Section 31 of the Representation of the People Act, 1950, is a non-cognizable offence" tiin Section 31 of RP Act bawhchhiatna hi non-cognizable offence a ni e, tiin chiang takin a lo tarlang tawh a ni..

Voter ID Card hi Indian Citizen pangngai ni lo, ramdang mi (foreigner) te thleng hian an lo nei leh nawlh nawlh zel mai hi kan ngaithuah chian a, kan fimkhur tlan a ngai hle mai. Hnam tlemte kan nih a vangin kan tun atanga kan inven fimkhur hi a ngai hle a ni. Voter ID Card pekchhuah kawngah pawh tun aia kan fimkhur zual deuh deuh leh NGO te pawhin thapui an thawh a ngai takzet a ni.