Arsenal manager hlui Arsene Wenger hi tunah FIFA's head of global development a ni mek a, kum 2028-ah chuan world football calendar hi siam danglam a, kum 4 dana neih thin chu kum 2 dana neih a duh thu a sawi chhuak. Wenger-a hian international fixtures a calendar chu siam that a rawt a, a rawtnaah chuan international qualifier pawh kum khat chiah khel a ni tawh ang. 

Group qualify hi kum tin khelh a, season tawpah major competition, World Cup emaw continental championship hi khelh thin nise a duh thu Wenger chuan L'Equipe-in an interview naah a sawi. 'Qualifying window tum hnih inkarah hian player te chu an club tan kum tluanin an khel thei dawn a ni," a ti.

World Cup hi FIFA sum hnar lian ber a ni a, world cup vawi khat neih hian £4.5 billion bawr vel hlep thei anga chhut a ni a, 2019-20 chhung ringawt khan UEFA hian £2.6 billion an hlep chhuak thei a, kum li chhung chuan £10 billion daih a ni.