Chakai lian chi, lobster mana tui chhung lut thin pakhat chu sangha lian chi, whale chi khat, humpback whale-in Cape Cod vaukama a dawlh chu a thi lo hlauh.

Kum 56 mi, Michael Packard-a hi Wellfleet, Barnstable County, Massachusetts, United States-a mi niin Cape Cod Hospital atanga a chhuah hnuah WBZ-TV hnenah Provincetown-a feet 45-a thuk tui chhunga a awm laiin sangha lian hian a bei tih a sawi.

“Mawng lian takin min rawn thut thut ang mai hian a thim nghal vek a ni,” a ti.

A tirah chuan shark-in a bei niin a inring tih a sawi a, shark hi helai bawra tam sa hrim hrim a ni a; mahse, ha hriam tak neiin a seh lo va, a na miah lo bawk tih a sawi.

“Whale ka chhungah ka awm a ni tih ka inhre  chhuak a, min dawlh a tum a nih hi,” ka ti a. “Ka inngaihtuah a, kei chu ka la tha fu a, ‘Ka thi ngei dawn a nih hi,’ ka inti a ni,” a ti a. A nupui leh a fate a ngaihtuah chhuah zung zung thu a sawi bawk.

Whale ka chhungah hian second 30 chuang a awm niin a inhria a; mahse, ka chhunga a awm lai hian a thaw thei reng a, thawk pangngai tak vekin a thaw niin a insawi.

Whale-in tui a hleuh chuan a lu a su bawk bawk a, a chhak chhuak zui ta tih a sawi a. A thawhpuiten an lo chhan nghal a, surface boat-ah an la lut ta tih a sawi.

A farnu, Cynthia Packard chuan Cape Cod Times hnenah a nutapa hi a ke a tluak a; mahse, tha takin a dam leh tih a sawi.

Provincetown-a Center for Coastal Studies-a senior scientist leh whale chanchin hria, Charles ‘Stormy’ Mayo chuan heti taka mihring leh whale inhmachhawn hi chu thil thleng khât tak a nih thu a sawi.