Tun hnaia thawm nei lian tak Will Smith chuan India leilung a rap leh ta a, Mumbai Airport-ah Inrinni khan a tum. 

Kum 53 mi Will Smith hi Oscar Award-a Christ Rock a ben hnu khan vantlang hmaah a la inlan leh lo a, India a lo thlen hnuah erawh a vawi khat nan a inlan ta a ni. Hollywood star Will Smith hi Oscar-a a chetdan avang khan a rilru a nuam thei chiah lo a ni mai thei, India a lo kal chhan pawh spiritual leader Sadhguru a hmuh duh vang nia tarlan a ni - a mimal thil a sawipui ang.  

Will Smith hian India a lo tlawh fo tawh a, tun tumah pawh hian amah ngaisangtu mi tam takin airport-ah an lo hmuak a ni.