Canadian seeded 10-na Denis Shapovalov laka a tlawm vangin Andy Murray chuan Wimbledon a mangtha a ngai ta. Tum hnih champion tawh Murray, kum 34 hian 6-4 6-2 6-2 in vei vuak Shapovalov chu a hneh lo a ni. 

A chak chungchangah Shapovalov chuan,"Ka suangtuah thin chu zanin hian ka tawng ta,” tiin lawmthu a sawi.

Murray a tlak hma deuh hian British number one Dan Evans pawh last 16 lut tura a beihna kawng chu American Sebastian Korda'n alo chhut chah sak tawh bawk. 

Evans-a, kum 31 hi a match hmasa pahnihah set khatmah hlauh lovin a kal tluang hle a, mahse 6-3 3-6 6-3 6-4 in seed 22-na kum 20 mi Korda lakah a tlawm ta hlauh a ni. Korda hi tunah world ranking 50-na a ni mek thung. 

Murray leh Evans te tlak hnuah British mi zinga la dam awmchhun Cameron Norrie chuan tum riat champion tawh  Roger Federer chu nimin khan a hmachhawn a, chanchin buatsaih lai hian an result kan hrehman lo. Briton zingah kum 18 mi hmeichhe single player Emma Raducanu chuan Sorana Cirstea a hmachhawn bawk ang.