Kum 1995-ah Total prohibition siamin hei chen hi kan sepui ruah tuar chho a. Zu a rem chuang si lo. Sawrkarin tihdan kawng dang dap ila a Control dan tha zawk a awm thei lo maw tiin, Bill a siam dawn a. 1. Criminal leh Prohibted Items: MLTP Act kan tih kan hman lai hi a hming ang chiah hian Dan lam kaihhnawih a ni a. Chu Dan chu sawrkarin Dan lam thiam mi leh Rules lam thiamte rawnin kawng tha zawk duang chhuak turin Committee pawh a din a. Chu dan chu Assembly-ah a that leh that loh sawiho a enchian phawt a, thutlukna siam chauh tur a ni. Mi thenkhat chuan, ‘Tualthahte/Rape pawngsualte pawh khap a ni a, a khapna dan hi hlih tur an ti chuang hlei nem,’ an ti a. Pawngsual leh Rape te hi Khap a ni lo va, Natural danin a phal reng reng loh, Crime (Criminal lian tak) a ni zawk a, Khap a ni lo va. Dan lo thianglo a ni.Natural law pawn a phal loh a ni. Pawhfan ve mai mai chi pawh a ni lo. A hremna pawh a lian em em a, IPC leh Cr Pc te pawn a sawi chip chiar viau a ni. Criminal leh Khap thil Prohibited Item Zu, Petrol, Gas etc..leh Civil case pawh thliar hrang thiam lo, a kakaw nazawng lo armittetkhuan vak vak mai kan tam hle a. Sawrkar hian thil tha tih tum (in good faith)-in, han en chhin ve pawh a tum a ni a. Khua leh tui tha leh fing tan chuan ngaihthlak ve pawh hi a awm viau tawh a ni e. 2. Thil Zu Hi: Zu hi thil nung lo a ni a, thil nung lo chu a sual thei lo a, Hungin dah ringawt la, amah chuan pawi a khawih hauh lo vang. A hmang sualtu zawk kha Sual chu a ni a. Kha kha khuahkhirh leh hremna dan nen Vaukhan kan siam ve tur a ni. Mi ramten an tih ang bawkin. Chuti ni loa mihring sualna hmuh kân a, a zu leilung hrin dah bo kan tum kha a dik lo. Ngaihdan butut (taboo) deuh zawng a ni e. Camping-naah Counsellor-in, “Nangma sual reng a ni lo, Nangmaha awm sual Setana sal behna atang khan lo chhuak la, inhlan nghal rawh,” an tih nen hian a inang ka ti. Mizoramah chuan kan buaichhe der a nia. Mi ramten engtin nge an tih, an tih angin ti ve ang ti zawng hian kan ti ngam ve tawh lo maw??? Chuvangin ringtute pawn Zu hi Sual Setana pawl ti suh se. An do tlata nakin lawka an do dan an thlak leh si chuan Vision tawi leh thil suangtuah tawi, mahni mawnghlim an ni mai thei a ni. Khawvel mi zawng zawng Fing leh Fing lo pawn an neih vek hi. 3. Sawrkar Policy Maker: Ram hnuk khawihtu leh Dan siamtu Sawrkarin thil a ti dawn a, a kalpui tum dan pawh la pharh a ni lo a, khuahkhirh dan tur pawh kan la hriat a hmaa Sawrkar, mi a ber ang maia cheibawl a, thil tha lo thlentu tur ang maia min rawn azeng pawh a ni lo, a thente phei chu kan lo ang piap piap mai a. Politician veteran inti tan phei chuan , a history zirchianna nei mang si lova lo cheksawlh ve ngawtte phei chu a tihtam chi loh mai thei. Mizoram Mipui hnenah hian Politician te phei chuan an tih a ni emaw ni lo emaw thu dik chu an dinpui ngam tan ve tawh tur a ni dawn lo’m ni? Dikna te, Rinawmna te hi Mi puitling/Civilized tehna pawimawh a nih hi. 4 Kaa thil lutin pawi a sawi lo: Indian constitution ah chuan Fundamental Right a awma chumi hnuaiah chuan Right to live , a awm bawk a.Kan duh zawng ei leh in chu Natural law pawh hian a phal nghala. Nausen thil thiam hmasak ber pawh ka a thil sengluh ani.. Kan nunna atan engkim kan ti thiang a, Kan personal right ah hian tumah an in rawlh thiang lo ani : mahse I personel Right avanga midang tan a pawi leh na thlen theihna right erawh a awm lova. Chuvang tak chuan chulai chinfel nan chuan HREMNA punishment-Dan a lo awm ta reng ani. Tichuan Ruih chu phal anih tak loh chu. Mizoram ah ve .. kan tlin dan tawk tur atanga ti lovin. Angelte laitual lenna vela Dan niawm tak. Pindan chhungrila tuma hmuh loha Zu in chu man theih ani ang “ te kan han ti vela( MLTP Act) Tuma hmuh loa in na na na tunge maw man dawn ni. Kum 17 zen zawn kan hmang ta a, a kawng dang a tha deuh hlek zawn hi chu sawrkar hian a tihar hle zawk a ni. Zu hi Zalen takin tu ram mahin an dah ngai lo tih hi kan hriat a tha. 5. Zu Khap duhtute Thlirna hi a Hlui tawh mai thei.: Kum 1966-ah Ram a buaia, thingtlang lam ah India sipai an tal nasat avangin khawpui lamah mi an pemlut nasa a. Chung pem khawm tam tak chuan nun dan thar temin Inhlawhfa in Chawlhni leh weekend velah Cenema hall/Assam Rifle Cinema hall-ah Ticket Black-in an sum inhlawhna kengin tlangvalten nula an khilai thin a, thawsa hmai huhkuang leh kawrhma kawrkilh tla phengphungin ticket an chuh a, an bialn te ticket neihpui theih loh ai chuan thih huamin an tang mai thin reng a. Chu ticket inchuh chu an lo rui nam deuh nen, an insual ta thin a, khang lai Union territory chho atang khan hmani lawk, IT-a kan lo changkan hma deuh thleng khan kan nihna a ni. IT kan lo changkan hnu khan kan Cenema hall te hi a lo bo ve ta chauh a ni. Hmanni lawk kha a ni a, Aizawl veng dai fem leh chengker deuh chi hrang hrang hi Zu zuar tam tak, a duh duhin duhtawka an in thinna kha a ni. Khatiang kha Rambuai Hrichhe ken a ni a. Tunah chuan ram muang kan ni a. Mihring hi bawraw tak turin thlir tur a ni lo. Tunlai angin phone hman tur pawh a awm lo Govt Servant, Director chinin an kawl chauh a ni awm e. Chung hun lai Zu in, Insual buai thin kha Zu khap duhtute hian an mitthlaah a la cham reng a nih hmel, ‘Kan inveng zo lo vang,’ an ti. Mahse, khanglai ang a ni tawh lo, vawiin ni chuan mi tinin Mobile kan nei a. police/ Excise in Bial tin an nei ang a. Police/Highway Police mobile hrilh mai tur a ni. Tin, tunlaiah mi an fing tawh a, Zu in tak avanga buai thin mi tlemte chu veng tina mi fel awmten an ngamin, an counter ngam dawn lo’m ni/nge “Mi sualnaah lo va inrawlh suh, i thlarau mawh a ni lo. Zurui khinte phei chu a mawi lo,” kan la ti reng dawn/emaw ngam loh chuan Police hrilh mai tur a ni. Mahse ruiah pawh rui pawisawi lo mi â deuh ang chi hi chu hnam tin zingah mi anglo an awm ve ang hian an awm ve bawk. Tin, University leh Visiting professor, Foreigner, Beaurocrats, IAS, Secretay, Businessman, Policy Maker, Officers etc. ten ni tinin Aizawlah hian an hnathawh zawhin inbualfai zawh hnu ah an in thin ang. Pindan rilah rui lo hai loa an in thin avangin tuman an hre lo a ni mai. A thente phei chuan Tequilla, Silver Oak Blended Cask rim thar takte pawh an herh hawng pha mai thei. Zu in ve ngai miah lo ten an hriat chin Rangvamual zu uih, ‘pawi zawk ang’ ti thlenga an in thin dan/nature hi chu a tha lo reng bawk a ni. Tiang hi zu in zawng zawng awm dan a ni emaw kan ti pawh a ni mai thei. Heng nature hi a bo theih nan sawrkarin kawng tha zawk zawn zai an rel a ni reng a. Sawrkar hian min rawn a nih loh chuan rin dan leh zeldin thu bawl hi kan sawi a ni. Policy maker kan nih ve loh chuan sawrkar hi i ngaithla ve rih ila maw le. 6. Mi ram chuan Zu ruih an khap, in an khap lo: Mizorama Zu leh a Factory kan hriat te hi chu a zahawm lo hrim hrim Rangvamual vel etc, a an sah chhiat sak ang chi kha kan hmuh ani a. Pu Buang a leh Sapupa rawn tirtu Arthington Vineyard Company (Zu Company) te, Clive Richard Singer a pian thar hnuin Spain-ah Vine yard Firm a siam a, a profit in Rethei tanpuina leh Missionery (charity) tam tak khawvel ram rethei zawkah a pe chhuak thin an ti a. A dik tak tak a nih phei chuan kan thinlunga Zu kan ngaihdan hi a hlui (eccentric.) deuh lo maw? Chuvangin Mihring hi Rilru sukthlek (Moral sentiment) nei vek kan ni a, mi nuna kan va inrawlh loh nan leh zalen taka kan duhzawng tih phalsakna kan neih theih nan Constitution-ah “Secularism” an dahte hi a nihna hmuh tum tlang teh ang u.