ZALEN December 20, 2024 : Winter Festival Lammual-a neih mek khar tura USA atanga lo kal Secondhand Serenade chuan Aizawl a concert a neih tur chu phurawm a tih thu a sawi.

India rama a tum khatna atana Aizawl-a Concert nei tur hian khawpui lian zawkah pawh inlan theihna hun a neih thu a sawi a, chitihrualin culture dang hlak tawn a chak avangin Aizawl a thlang a, a beisei ang ngeiin nuam a ti a, mipuite hawihawmna chu nuam a tih chhan a nih thu a sawi bawk.

Concert a neih turah tualchhung band te nen an thawhho dawn em tih a la sawi thei lo a, ruahmanna chu a awm tih chanchinthar thehdarhtute a hrilh.

Secondhand Serenade hian a rawn thlen zanah pawh Lammual-ah Winter Festival a chhim a, nuam a tih piah lamah tualchhung zaithiam leh musician te a beisei phak bakin an tha a ti. Thawhpui a chak thu pawh a sawi a, a concert hun tur a ngahhlelh tawh tih a sawi bawk.