Aizawl November 21, 2023 : Winter Festival 2023 Cum Mega Exhibition chu December Ni 11-16 hian AR Ground-ah neih tura ruahman a ni a. December 7 hian a khuhhawn nan Elle Media (Supported by Mizoram Tourism) te'n an chahchhuah tur Vengaboys te'n AR Ground-ah tho Concert an rawn nei dawn.

Tourism Department chuan Winter Festival 2023 Cum Mega Exhibition buatsaih tuma hmala mekin vawiin khan Tourism Department Officials hovin MINECO Building 1-ah Winter Festival 2023 Cum Mega Exhibition hman dan tur rel hian an thutkhawm a ni.

Winter Festival Cum Mega Exhibition-ah hian Stall hrang hrang buatsaih a ni dawn a. Mit leh beng titlai tak tak Live Concert, Cosplay bakah Variety Programme nuam tak tak awm tura ruahman a ni a. Hemi hun atana mawhphurhna chanvo hrang hrangte Meeting-ah hian inpek nghal a ni bawk.