July 31, 2023; Malsury-a YCA hruaitu hlui pakhat, K. Jotin Chakma chuan Manipur buaina chungchangah meitei a tanna ngeiawm taka a tihlan avangin, Khawthlangtuipui group YMA-in YMA Runa inlan turin an ko.

Khawthlangtuipui group YMA hruaitute hnen atanga ZALEN thudawn danin, K. Jotin Chakma hian social media ah Meitei atanna comment a siam a, hei hi tunah chuan delete tawhin, a facebook account pawh a deactivate tawh bawk.

Hemi chungchangah hian Khawthlangtuipui group YMA chuan insawifiah tur leh thil awmzia zawhfiah atan, naktuk zing a an hma a inlan ngei turin an hriattir a ni.

K. Jotin Chakma hi tun hma lamin YMA leh zirlai pawl pawhin an lo kamkhat tawh thin a ni.