Aizawl: Covid-19 vanga boralte ruang buaipui a hlauhawm loh a, mahse ruang buaipuitu te chu mask leh glove hmang tura hriattir an ni.

Mizoram sawrkar, Health & Family Welfare department in hriattirna a chhuaha tarlan danin covid vanga thi ruang phurtute tan pawh kai a hlauhawm loh tih an sawi a. Covid vei finfiah leh rilhlelh, in lama thi an awm chuan an ruang chu body bag ah thun a, a rang thei ang bera kuangah dah nise an ti a. Kuang chu chhin kher a ngai lo tih sawiin mahse body bag atanga lakchhuah a, kuah, fawh etc erawh tih loh tur a ni tiin body bag leh kuang erawh bleeching a tihfai tur a ni an ti. Thuchhuah chuan ruang atang hian inkaichhawn hlauhawm lo mahse mipui pungkhawm atanga inkaidarh theih anih avangin mitthi chu a rang lama vui nise a tha tih an sawi.

Health department vek hian hriattirna a tihchhuah ah invuina ah hian mi 20 aia tam awm loh nise an ti a. Invui chungchangah engtia kalpui nge an tum tih Zalen palaiin Central YMA President Vanlalruata a zawhna ah he thil hi YMA Branch te kutah an dah tih sawiin an rel ang anga kalpui turin an ti mai niin a sawi bawk.