Aizawl June 15, 2024 : N.Hlimen Branch YMA chuan YMA Day pualin an khaw luhna leh chhuahna kawng chhe zual hnatlang in an siam a, Mi 90 vel thawkchhuak in hmun - 3 ah an in ṭhen a, Kawng khuar tui tlinna te an theih ang ang in an sah in an hnawh bawk.

Branch President JC Lalthanfala chuan hetiang an hnatlanna chhan hi Sawrkar leh Department tihmualpho tumna lam ni lovin kan nitin mamawh lakna (lifeline) kawng a chhiat chhoh zel avangin YMA Day pualin hnatlanga siam an rawt tak thu a sawi.

N.Hlimen hi Serkhan - Bagha Road Kawng a awm a ni a, tunhnaiah helai kawngah hian Motor lian Kuhva phur leh Thingzai phur te an rawn kal fo avangin kawng hi a chhe chak hle niin thudawn a ni.