Aizawl: Nimin chawhma khan Central YMA hruaituten Chief Minister Zoramthanga chu a bungalow-ah an hmu a, Manipur buaina avanga Mizo tangkhangte him taka hruai haw an nih theih dan tur an sawipui. 

CYMA hruaitute hian Imphal-a Mizo eng emaw zat tangkhang leh zirlaite dinhmun hlauhawm taka an awm thu leh a rang lama hruai haw an nih theihna tura ruahmanna siam turin CM hi an ngen a.  Zo hnahthlak unaute harsatna hrang hrang an sawipui bawk a. CM hian sawrkarin ruahmanna a siam dan te leh commercial flight hmanga a theih ang anga thiar chhuah an nih thu a sawi bawk. 

Inkawmhonaah hian Imphal-a an unaute dinhmun thlithlai tur leh thlamuan turin sawrkar aiawhin minister leh Central YMA hruaitute a hmunah kal nise an ti. 

Chief minister hi Deputy Chief Minister Tawnluia leh MNF hruaitu dangten an tawiawm a. Central YMA atangin R. Lalngheta, President leh OB dang te an tel.