ZALEN Oct. 25, 2024; Tunkar nilaini (23.10.2024) khan Lalnunmawia (38), Vairengte Kawngthar veng chu a chin hriat lohin a bo a, vawiin atangin Branch YMA ten zawn hna an thawk tan.

Lalnunmawia hi Nilaini chawhnu dar 9:30 khan an in chhuahsanin, chawhmeh zawng turin a chhuak a, hemi a chhuak hi nizan thleng khan biakzui thei a ni lo a, a awmna chin pawh hriatzui theih a ni lo bawk. 

Nimin lam khan thenawm khawveng ten zawn hna hi an thawk nghal a, an hmuh mai loh avangin nimin vek khan Joint YMA Vairengte kutah an tlu lut a, Joint YMA lam chuan Lalnunmawia zawn dan tur hi ngaihtuahin an thukhawm a, Joint YMA thuchhuak angin, vawiin atang hian Branch YMA hrang hrang ten a inchhawk in a zawn hna hi an thawk dawn a, vawiin hian Hmarveng Branch YMA ten an zawng ang.