ZALEN November 12, 2024 : Maruti Suzuki car thar ber The Dazzling-New an tih DZIRE model thar chu vawiin khan LPS Youth Icon Lalsangliana (Taitea) chuan G.I.G Motors Maruti Suzuki Arena, Edenthar-ah a khuhhawng.

Lalsangliana chuan lirthei khuhhawn chu Minister, MLA leh officer lian leh mibik te chauh tih tura a ngai thin tih a sawi a, hetiang ti tura tura sawm a ni ta mai chu lawmawm a tih thu a sawi a, a hriatreng tawh tur a ni, a ti. Taitea chuan DZIRE car thar chu damchhunga a ngaihlut a nih tur thu a sawi a, car khuh hawnna pual hian 'Nang lo chuan' tih hla a sa.

Taitea car khuhhawnna buaipui tur hian Miss Mizoram hnuhnungbera Siaha district aiawh, tuna Dawrpui Vengthara cheng mek Miss Siaha Rinchhani chu a awm ve bawk a, anni pahnih hian a lawmna cake zai dunin an inbarh bawk a, Taitea'n 'Hmangaih Hmangaih' tih hla a sak laiin a lo tawimawh ve bawk a ni.

G.I.G Motors CEO John Lalpeka chuan tun hnaiah G.I.G ten tum thum hun an hman tawh chu Icon ten an hmanpui vek thu a sawi a, Maruti Suzuki Invicto chu NEXA Showroom lama an tlangzarh tumin Icon top 5 zingami J. Lalrosanga'n a khuhhawn bakah Maruti Suzuki True Value (Exchange) hlan naah Icon-a pahnihna Peter Lalnunpuia a hmanpui tawh hnuah DZIRE thar khuhhawnna hun Youth Icon 2024 ngei maiin a hmanpui thei chu lawmawh a tih thu a sawi ve bawk.