ZALEN, Sept. 18, 2024: LBS Suzuki Youth Icon 2024 boruak a sang chho zel a, Top 10-a tlingte a hriat ta a, inelna sang hmachhawn turin mi 10 zingah hian boruak nei tak, J. Lalrosanga pawh a la tel.

September 25-27 chhung khan 3rd Round intihsiakna neih a ni a, mi 50-ten intihsiak hmachhawnin heta tang hian Top 10 hi thlan chhuah an ni.

Top 10 result hi Inrinni zan khan LPS Studio atangin puan a ni a, LPS 1-ah tihchhuah niin LPS official Facebook page leh Instagram-ah te pho chhuah a ni bawk.

Top 10-a tlingte hian anmahni kaihhruaitu tur mentor an nei vek dawn a, contestant-te hla sak tur leh an sound track an buaipui dawn a. Top 10 mentor turte hi mi pali - Thangbawiha (EME Records); Kima Chhangte (Home Free Music); Tluanga Hnamte (Westend Studio) leh Peka (It is Home Studio) te an ni a; Zirtawpni tlai khan an kaihhruai tur theuhte hi an pawt tawh.

October 7 atangin LPS Arena, Falkland-ah mipui chhim theih turin Top 10-a thlan chhuahten inelna an chhunzawm ang a, show hi LPS 1-ah live-in tihchhuah thin a ni ang.

Ruahman lawk dan chuan Top 10-te hian vawi hnih intihsiakna an nei ang a, zan khat chu CFL Hmingthanga Night niin a hla hmangin an intihsiak ang a. Top 5 intihsiaknaah The Beatles hla hmangin intihsiakna an nei bawk ang.

LBS Suzuki Youth Icon Grand Finale hi October ni 19 zanah neih tura ruahman a ni.

TOP 10-A TLINGTE:

Sl. No. 133 LALBIAKKIMA HNAMTE,   THENTLANG

Sl. No. 165 LALREMSIAMI, DARLAWN VENGHLUN

Sl. No. 188 LALSANGLIANA, BÂWKTLANG

Sl. No. 122 SAMSON LALHUNRUATA,   CHAMPHAI KANAN VENG

Sl. No. 219 PETER LALNUNPUIA, COLLEGE VENG

Sl. No. 181 RAMENGMAWIA, MEIDUM

Sl. No. 93 LALDINHLUA, CHAMPHAI KANAN VENG

Sl. No. 264 ZOTHANKIMA, TACHHIP

Sl. No. 180 ZION TLAICHHUN, HNAHLAN RAMTHAR VENG

Sl. No. 212 J. LALROSANGA, TUIDAM