ZALEN, Nov. 12, 2024: LPS Vision buatsaih, Youth Icon 2024-a Top 10-te chuan luan chhuah hun hmangin Civil Hospital, Aizawl-a naupang ward-ah damlote thilpek an pe.

Youth Icon Top 10-te hian sum thawhkhawmin Civil Hospital Naupang Ward-a awm mekte chu a mal tete-in kanna pawisa an hlan theuh a, hospital poor fund-ah sum an chhung lut bawk.

Thawhtanni zana luan chhuah hun an hmannaah hian 3-na Lalbiakkima (Bka) chu dam lohna avangin a tel thei lo a, Laldinhlua pawh an khua, Champhaiah a awm avangin a tel thei lo bawk, mi dang zawng erawh naupang damlo kan hian an che chhuak thei thung.

Youth Icon Top 10-te zinga miin a sawi danin, Pathian malsawmna nasa tak an dawng a, duhsakna tin reng an dawng a, luan chhuah ngei hi tul an ti tlang a, Civil Hospital, Aizawla naupang ward-ah an luang chhuak ta a ni.

Top 10-te hi Judge Rosy K. Remsangpuii leh LPS staff thenkhatin an tawiawm a ni.