December 9, 2023; Vawiin (9.12.2023) hian Young Women Christian Association (YWCA), Aizawl te chuan kum tina an tih thin angin an pawl memberte thawhkhawm ațangin mi harsa leh damlo te anpuiin an feh chhuak leh a. Group 6 ah inthen darhin, Aizawl veng hrang hranga chhungkaw 15 te hnenah țanpuina pawisa an hlan a, chhungkaw 5 hnenah Blanket an pe bawk.

 YWCA te hian October thla khan YWCA National fund ațangin Mizorama raltlan chhungkaw 66 leh raltlan DMM Childrens Home, mi 33 awmna te thilpek thahnem tak pe in an lo ṭanpui tawh bawk a ni.

 Vanapa hall hnuaiah office neiin a mamawh tan Counselor 2 an nei a, police station ah counselling an pe țhin. Girls Hostel Mission Vengthlangah an nei a, an enkawl mek bawk.