DOWNLOAD OUR APP

Read latest news on your phone
app-store

Zai loh thawhchhuah neih loh!!!

Mar 21, 2021

Sangkimi Khiangte | Marina Varte | Sawmtea Chhangte

Sangkimi Khiangte 
Kan hun tawn mek hi zaia eizawng tan chuan a lungchhiat thlak khawp mai. SOP thar chhuah hnuah programmee cancel a tam a, a bik takin sawrkar programmee-a zai tura sawmna phei chu cancel vek a ni. Hei hian harsatna nasa tak a thlen chho mek a, programmee kan ngah chhoh ve lai a ni bawk nen a buaithlak duh khawp mai. 
Zai hi covid thehdarhna a ni ber chuang loin ka hria, kan eizawnna ber a ni a -  hetiang lo deuh hi chuan ruahmnna siam ni thei se a duhawm hle. 

Marina Varte
Kan zai loh chuan sum kan thawk chhuak lo chu a ni mai a, kan business a tichhe nasa khawp mai. Programmee cancel a tam avangin zaimite tan pawh hnual a awl a, sawmna dawn pawhin ngaihngam takin a awm tak tak theih chuang loh. Tin, min sawmtute pawh an inthlahrung a, zamite tan pawh awmdan thiam a har khawp mai. 
Nikum lamah kan zai mumal tawh lo a, hun harsa tak kan hmachhawn mek a ni. Chutih rual chuan beidawng mai tur kan ni lo a, hun tha a inherchhuak leh ngei ang tih kan ring tlat a ni. 

Sawmtea Chhangte 
Tun hnaiah programmee cancel a tam em em a, ka zaina tur tum 10 vel hi chu a hlawhtling thei dawn ta a lo a ni. Pathian zarah hnathawh ka neih avangin mi nghawngna lutuk lo a, chutih rual chuan zaimi 70% vel zet hi chuan an tuar ang. Sawrkar hian kan harsatna hi hriaiin a tul angin min ngaihtuah that sak se tih hi kan duh thusam a ni. 

Hripui lakah zaimite hi kan fimkhur em em a, programmee kan neihna hmunah pawh theih tawpin kan inveng ve thin. Fimkhur a tulzia kan sawi chhuak chamchi a, a tul dan angin mipuite hnenah pawh awareness kan pe ve reng zawk a ni. Tun thlengin zaimi zingah hripui kai kan la awm lo a, kan vannei tak zet a ni. ­

Share now