DOWNLOAD OUR APP

Read latest news on your phone
app-store
Zalen in kum 15-na lawm : Mizo of the Decade atan Hnam Chhantu Pawl - R. Ramhmangaiha thlan a ni
Dec 01, 2019

Aizawl : Zalen chanchinbu chuan kum 15 a tling ta a, a dincham puala kum 10 kalta (2008-2018) chhunga Mizo mi chhuanawm ‘Mizo of the Decade’ atan R.Ramhmangaiha (Hnam Chhantu Pawl ) chu thlan a ni.

Kum 15 lawmna Quindecennial Celebration hi Ningani kalta khan Mc Cabe Hall, Aijal Club-ah neih a ni a, a lawmna inkhawm hi Dr. Chawnglungmuana, Convener Zalen Quindecennial Celebration Committee chuan a kaihruai a, khuallian I&PR Minister Lalruatkima chuan Pathianni chhuak Zalen chanchinbu in kum 15 a tling chu a lawmpui tih a sawi.

Minister chuan, “Tunlai social media kan buaipui nasaa, thalai zing ah lehkha chhiar lo an tam avangin lehkha chhiar tura kan infuihthar leh a pawi mawh a. Chanchinbu chhiar lamah kan let leh a ngai a ni,” a ti. Minister chuan a tha lam aia a chhe lam kan sawi tam chu a tha lo a tih thu a sawi a, mipui te chu a petu nih tum zawk turin a ngen bawk.

Kum 15 tlin lawmna a thusawitu dang Zalen Editor Vanlalrema Vantawl pawhin Mizoram daily chanchinbu colour hmasa ber an tih chhuah hnuah Zalen chu chhunzawmin kum 15 an tling chu an lawm tak zet tih a sawi a. A ngaih pawimawh sawiin, “Sawrkar hnain min daih dawn loh avang in Entrepreneurship sector chu nasa lehzuala chawm len a ngai a, hei hian hna tam tak a pek dawn bakah sawrkar chhawktu a ni dawn a ni,” a ti a. Skill development lamah pawh tan lak nasat a ngai tih sawiin HIV vei zinga 70% ngawt mai chu thalai hnathawk rual (working age) an nih avangin ram economy thlengin a tuar thei tih a sawi bawk.

Zalen chanchinbu chuan an kum 15 tlin pual hian kum 10 kalta chhunga Mizo zinga mi chhuanawm leh hlawhtling thlanchhuah nise a ti a. Core Committee siamin mi 7 an thlang chhuak a ni.

Panel of Expert aiwha report petu Rev. Dr. L.H. Rawsea, ATC chuan, “Nominee-te chu intluk tlang tak an nih avangin vawi 2 lai thukhawmin an ai awh turin R. Ramhmangaiha chu kan ruat ta a ni,” tiin a sawi a ni.

Principal Investigator-in an chanchin a zirchian hnuah mi thiam 7 awmna Panel of Expert ten uluk takin an zirchiang leh a. Mizo of the Decade hian ‘Mizo diar khim Momento,’ chawimawina thuziak leh lawmpuina tangkafai Rs. 10,000 a keng tel a ni.

NOMINEES: Thanzuali (Gospel Centenary School), T.Lalmuanpuii (Apex Bank chairman), K.Lalmuansanga (ASEP President), Lalnghinglova Hmar (Football-a a hmalakna), R.Ramhmangaiha (Hnam Chhantu), Dr. RL Sanghluna (Synod Hospital) leh HV Lalzuimawia (Lalzui Research Foundation)

PANEL OF EXPERTS: Lalthlamuana Ralte, (Convener), Dr. Rosaline Varsangzuali, Dr. Rinpari Ralte, Dominic Lalhmangaiha, Dr. Malsawmliana, Lalhruaitluanga Chawngte.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh